الرئيسية / تونس / كلمات مؤثرة جدا من صديقة رفقة الشارني :”الكرتوشة السادسة في قلبي يا بابا..”

كلمات مؤثرة جدا من صديقة رفقة الشارني :”الكرتوشة السادسة في قلبي يا بابا..”

شرت صديقة المرحومة رفقة الشارني التي قتلت يوم أمس في ولاية الكاف غدرا ب 6 طلقات نارية على يد زوجها عون الحرس الوطني ، تدوينة مؤثرة جدا تداولها رواد الفايسبوك بكثرة وأرفقتها بفيديو ترثي فيه صديقتها ، هذا ما جاء فيها : – عسلامة ، راجلي ضربني مرة أخرى – و جاية تشكي بيه ، تي ماهاياش فخرا – راني خايفة خاطر عندو سلاح – شوة سلاح !!! 1 راجلك زميلنا ، تي برا روح هني على روحك وأرتاح … – بابا يا بابا ، عاود ضربني و عينيا ولات ضبابا – و جاية تشكي من راجلك عيب ، باهي ليلة بات لنا و غدوة روح يا صبابة … – ياخي نشكيلكم ووانا مضروبة و ماتتحركوش علاه ماعنديش رجال … – تي ماهو يصرف عليك ، الفائدة في كثرة المال … – عبسلامة ، يا ولادي عاود دقدقدني بالضرب .. ياخي موش انتوما سلطة … – ههههه برا روح يا مرا .. اكيد ضربك على عمايلك و الخلطة – سيد رئيس المركز خوذلي حقي علاش ياخي أحنا في غابة – بالله ، تي راجلك زميلي يا بنتي و ماعندك ماتعملو راهو عندو نقابة … – مانيش مسلمة و فما حاكم في البلاد … <

لا عاد سامحو بنيتي ماكنش يشد الحبس و ملا فضيحة قدام العباد … باهي هاني سامحتو … و توة وتحتو ؟ بعد ماضربني و عاود مرة أخرى ، و استقوى عليا الراجل و شافها فخرا ، و الي ما جبد السلاح و ضرب الكرتونة الأولى و بعد ارتاح ، و عاود الثانية يا بابا ، و بعد ماشكيتلك و رجعتني انا في ضبابا .. و الثلاثة في صدري يا رئيس المركز مش قتلك رانا في غابة ، مالا هاو كمل الرابعة في كرشي يالي قتلي عندو نقابة ، و الخامسة في رقبتي و في رقبتك يا نيابة … و السادسة في قلبي لي حبو و تعمی و ولي يتفكر عمرو مانسی … و انتي … ماتنساش لي أنا اسمي … رفقة الشارني

شاهد أيضاً

بالفيديو / بن مامي :”انسحبت من أمور جدية بسبب خولة سليماني الي عملت برشا خنن.. ووجودها يقلقني”

أعلنت الممثلة التونسية مريم بن مامي، اليوم السبت 19 جوان 2021، عن سبب انسجابها من ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *