الرئيسية / غير مصنف / بالفيديو / كلمات مؤلمة من صديقة الراحلة بثينة :”تشطح فرحانة بالباك من غدوة دفنتها تراكس.. موتك تنبيه لنا”

بالفيديو / كلمات مؤلمة من صديقة الراحلة بثينة :”تشطح فرحانة بالباك من غدوة دفنتها تراكس.. موتك تنبيه لنا”

نشرت صديقة التلميذة التي تالقت في الباكالوريا بثينة بوميزة التي راحت ضحية جائحة كورونا تدوينة رثت فيها صديقتها بكلمات مؤلمة وقالت : ” موتك كان بمثابة صيحة فزع يا بثينة.. موتك كان كالصاعقة على قلوبنا ياروحي. موت الغفلة.. سامحوا بعضكم حبوا بعضكم عاشروا بعضكم بالمعروف.. افرحوا لبعضكم واسيو بعضكم.. المرض موجود أقسم بالله موجود ..

صاحبتي تشطح فرحانة بالباك من غدوة دفنتها تراكس .. خمموا في احبابكم و اصحابكم. الموت ما ترحمش و الجهل و الاستهتار اقوى بياسر مالمرض.. موتك كان بمثابة صيحة فزع يا بثينة .. شدوا صغاركم فالدار شدوا احبابكم فالدار نموتو بالشر و لا نموتو بالمرض و لا نموتو في الغفلة كيما هككا . بثينة صاحبتي نعاود معاها فالباك و قداه ستينا ناخدوه و نفرحو و نتحررو و نقراو لي نحبو نتفرهدو و نشيخو كي اندانا لي يقراو في الفاك نشريو دبش و فازات كيما ديما نقولو . كانت ديما تجري تجي في احضاني تقللي اصحابنا نجحوا و احنا قعدنا فالليسي .. اي هانا نجحنا و خرجنا منو هالليسي ويني صاحبتي توا ! . في ليلة ونهار تتقلب الدنيا قدامك الدنيا لي ما تجي شئ ما تسوى شئ..سعدك يا فاعل الخير .. سعدك صديقتي شكرا على الرسالة شكرا على التنبيه .. انت اكيد في جنان الخلد يا روح قلبي.. وروحك لن تفارقنا ما دمنا أحياء . شكرا عالضحكة و الفرحة عالعشرة .

رغم إللي لتوا مانيش مستوعبة موتك و رحيلك ، شكرا على الرسالة .. شكرا على التنبيه .. مشيت لدنيا اخرى و قلتلنا حافظوا على رواحكم … انت مشيت علينا صحيح لكن متأكدة لي انت مازلت حية فينا و انت عند ربي خير مالدنيا .. حساسة برشا و رهيفة المشاعر و دمعتك خفيفة .. انت عند الخالق خير.. اما و الله لا تتنسى باش تقعد فالبال.. باش تقعد محفورة في قلوبنا .. شدوا دياركم رائحة الموت في كل مكان…”

شاهد أيضاً

عــاجل – رئاسة الجمهورية تُصدر بلاغا حول قرارات سعيّد

أعلنت رئاسة الجمهورية أنّه “بعد استشارة كلّ من رئيس الحكومة ورئيس مجلس نواب الشعب، وعملا ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *